YOUNG MAKARS

‘Makar’ is the Scots word for poet or writer. A poet ‘maks’ poems. A writer ‘maks’ stories or plays.

Whit kind o Scots poems, stories or plays can you mak? If ye mak a guid poem or story and email it tae us, we’ll pit it on oor YOUNG MAKARS pages.

'The children are absolutely delighted to see their work on the website and have suddenly become inspired to write even more (!)' P5/4 Teacher, Comely Park PS, Falkirk

Soacks 
 
Plain soacks, fancy soacks,
Multi-coloured weans’ soacks.
Guid soacks, din soacks,
Fit for the bin soacks.

Haill soacks, torn soacks,
Cannae fin its neebor soacks.
Mither’s soacks, faither’s soacks,
Sisters’ and brithers’ soacks.

Nike soacks, umbro soacks,
Cacket wi muck soacks.
Soapy soacks, dreepin soacks,
Wavin fae the line soacks.

Holey soacks, schule soacks,
Rollin doon ma leg soacks.
Spottit soacks, strippit soacks,
Kept aside ma drawers soacks. 
 
By Douglas Bell, P7
Greenmill PS, Cumnock, East Ayrshire 

Fitbaw 
 
fitbaw bits and fitbaw baws
clarty claes and muddy grass
aw add up tae fitbaw funnnn!
aw the boys love it sae
they play and play aw day
and aw the lassies bonnie
they cheer for little jonnie 
 
by Lucy Paterson, Eve Lerpiniere & Ceara Gilliland, P6
St Andrew’s Primary, Fawkirk
 
 
Ma Muckle Tae
 
I wis chasin a cheeky moose
Aroond ma Grannie’s clarty hoose.
As I went tae rin up the stair,
I stubbed ma muckle tae on Grannie’s easy chair.

I had gan gite wi the pain,
And I hirpled around ma Grannie’s hame.
I grated like a wee bairn,
And ma Grannie said, “Noo dinna girn!”

I wis wearin neither hose nor sheen
When I stottered ower a camshachled stane.
Ma muckle tae wis rosey reid.
And ma Grannie said I wis aff ma heid.

The next day I wis affa lame,
Should I hirple tae squeel or bide at hame?
If I went, the maister wid say that I wis ill tricket onyway.
I think I’ll just stay awa
For I dinna wan’t tae hae a stoonin tae.

My mither said I wid be a skelpit loon
If I wis nae at squeel.
On ma wae,
I met Dougie McCrae
And we hid a wee game o fitbaa.
As I went tae kick the baa
I stubbed ma muckle tae and caused a rammy.

I wis affa black affrontit.
I wis certain that I’d get skelpit.
Cause I wis nae at squeel.

I’ll hae to go tae Aiberdeen hospital,
But I ken fit they’ll say.
“Plenty o reist fer yer muckle tae!” 
 
By Aimee, S1
Banchory Academy


Prood Feathers

I am a braw young eagle.
I am prood o aw ma feathers,
fawn, broon, gowd, siller and black.
I am a blether.

I hae sherp claws for me tae show aff.
I hae a gowden beak for me tae speak,
lang feathers clean doon ma back.
They are black.

I wis fleein across the sea lookin doon.
I saw huge white waves like rams' horns.
I swooped doon tae tak a closer look.
I foond a jackpot for fush. 
 
By Khaya Thomson, P7
St John's Primary, Stevenston, North Ayrshire 
 
Thump Bump Doon the Road 
 
Ah ride this velocipede up a hill.
The seat is awfy sair and if you faw aff,
you'll faw intae glaur. It hurts ma bahookie.
If ah were using the pedals it wud hurt ma legs.
Ah know ah look awfy uncomfy.

It's made oot o iron, but the spokes are widd.
Ah wud be puffin an pantin. Ma face powerful reid.
Ah wud be wearin a lang cloak and a tin top hat.
Ah wud be goin Thump Bump doon the road. 
 
By Aidan Farrell, P7
St John's Primary, Stevenston, North Ayrshire 
 
A Strange Beastie...the Velocipede 
 
Tumb dumb gae folk oan the velocipede,
goin through the toon, greetin freends
as they gae bye. They look uncomfy.
Did ah say it wud hurt your bahookie?
There is a bonnie lassie oan this thing.
She's wearin knickerbockers in tartan.
Her face is as reid as a tomato.
She is huffin and puffin.
Did ah say there were niver a lot
o velocipedes in the warld? 
 
By Dionne Donachy, P7 
St John's Primary, Stevenston, North Ayrshire 
 
A Bloomin Big Budgie 
 
Ah wis awa fishin wi ma Da, when ah goat a braw bite.
Then a bloomin big budgie cam fleein doon
and ripped the wee broon troot aff.
Cam back ya bloomin big budgie!
The next minute ah ken, ma da has his musket oot
and the bloomin big budgie wis heidin tae the grund.
Ah ran up and whit ah foond oot wis...an eagle!
For it had broon feathers, a sherp beak and razor claws.
And fifty times bigger than a budgie. 
 
By Michael McCabe, P7
St John's Primary, Stevenston, North Ayrshire 

 
Ma Prey 
 
Ah flee aw day. Ah look fur ma prey.
But ah see nuthin.
Ah really want ma prey. Ah want a wee moose.
Ah see a wee moose at the boddom o the ferm.
Ah gie doon wae ma big sherp claws.
Wee moosie sees me. She crawls unner the fence.
Ah gae stormin doon.
Ah got the wee moose wae ma big sherp claws.
That's me.
Ah got ma prey fur this day.
Whit a braw day. Ah got ma prey. 
 
By Shaun Higgins, P7
St John's Primary, Stevenston, North Ayrshire 
 
Lookin for Rubbits 
 
Ah look through ma keen een for rubbits.
Ah use ma sherp claws for wee moosies.
Ah see wan. Ah see a wee broon rubbit.
Ah flee doon and grab it, rip it open
wae ma big razor hooked beak.
Ah'll eat it fur ma dinner.
Noo ma belly is fu.
Noo ah'll wait until the morra
and get anither rubbit. 
 
By Ryan Wilson
St John's Primary, Stevenston, North Ayrshire

Oor Eagle Guardian
 
In oor classroom,
there is an eagle.
Ah believe it's alive,
but they say it's stuffed.
It is drummin its claws
oan the rock, just waitin
for us tae leave,
so it can stretch oot
its wings and hae some fun.
Then come back tae see us
work aw day. 
 
By Dylon Smith, P6
St John's Primary, Stevenston, North Ayrshire 
 
Auld Schuil Desk 
 
Ma bonnie wee desk for drawin oan.
It's auld and broon and dusty.
I think it's awfy foosty.

It tilts up. It wis made tae draw oan.
I think it's a wee bit big for me.
Ma legs are just too wee. 
 
By Candice McMillan, P6
St John's Primary, Stevenston, North Ayrshire 

 
Ghaists in the Sarcophagus 
 
Yince there wis a big Sarcophagus.
It wis cauld and damp and grey
and daurk. It hud a sword oan tap.
At nicht it goat a flash o licht on it
and ghaists wud come oot aw nicht
and the Sarcophagus wud open up
and the King O the Deid
wud get up and daunce
till the sunlicht wud come oot again.
Ah keeked in at the coffin and saw...
It's daurk, ah said tae masel. 
 
By Gordon Cope, P6
St John's Primary, Stevenston, North Ayrshire
 
 
The Terror Eagle 
 
The lang claws can rip aff yer heid.
An eagle can steal awa a babby.
This eagle has black een.
His neb is yella and lang and sherp.
His feathers are gowd and warm and fluffy. 
 
By Leanne Wales, P6
St John's Primary, Stevenston, North Ayrshire 
 
Sailing Under Captain Betsy
 

The ship is broon and wattery.
The sailors went hungry for a lang time,
so then they ate hard biscuit and drank rum.
But Captain Betsy didnae like them drunk.
The watter wis cauld and daurk. 
 
By Patrick Carrigan, P6
St John's Primary, Stevenston, North Ayrshire 
 
Mammy Eagle Gets Crabbit 
 
The eagle’s ma said
Go oot and get yer dinner.
How kin you no dae it, ma?
Cause ah’m no goin oot
tae get you fed.
Oh how no, ma?
Go oot and get me fed.
Awright then, ah’ll go oot
and get ye a wee broon troot.
Ah’m back. Ah threw
the wee broon troot oot.
Back in the watter.
It goat stuck tae ma taes.
Ah shidnae’ve gone oot
for that wee broon troot.
Ah’m too crabbit the nicht . 
 
By Sean McKay, P6
St John's Primary, Stevenston, North Ayrshire
 

Braw broon bubblyjocks
 
Braw broon bubblyjocks
livin on a ferm,
Braw broon bubblyjocks
livin safe frae hairm,
Braw broon bubblyjocks
eatin till they’re fou,
Braw broon bubblyjocks
glad tae see ye – for noo!

By P5/4 Comely Park Primary School, Falkirk 

Ma Hoose Moose 
 
Ah saw a wee moose
rinnin in ma hoose.
It played fitba
against ma wa.
That moose wis richt silly
it had a pal cried Billy. 
 
By Deividas Simkus, P.5/4 Comely Park Primary School, Falkirk

Dug’s Poem 
 
See ma dug,
It wis bousy like a pug.
It gies me a paw
An chases efter ma Maw.
It loups in the licht
An it howls aw nicht. 
 
By Shannon Coulter, P.5/4 Comely Park Primary School, Falkirk

A Wee Broon Moose 
 
Yince Ah saw a wee broon moose
hidin in ma hoose
he had bricht rid een
staring richt at me
he wis lickin his lips
Ah think he wanted ma tea! 
 
By Ross Marchi, P.5/4 Comely Park Primary School, Falkirk

Ma Coo Cassie 
 
Ah hae a braw broon coo
Aw day lang she says moo!
She is a tottie wee lassie
An Ah ca her Cassie
She gets a fricht when Ah crie boo! 
 
By Grace Spence, P.5/4 Comely Park Primary School, Falkirk

Ma Coo 
 
Ah hae a tottie coo
She will moo hello tae you
She is bonnie an braw
An likes tae eat straw
Ahm awa aff tae milk her the noo! 
 
By Anna Steele, P.5/4 Comely Park Primary School, Falkirk

Tottie Broon Moose 
 
There’s a tottie broon moose
That’s rinnin roon ma hoose
It awaes rins awa
When it sees ma Maw
Ah dinnae ken why
Ah think its ‘cause last nicht
Ma Maw made moose pie! 
 
By Naomi Polland, P.5/4 Comely Park Primary School, Falkirk 

Ma Dug 
 
Ma dug is broon an fite
he’s gey bausy an disnae bite
He’s fou o flaes an loves tae eat
He’s aye clarty, aye bonnie an sweet
Ma dug is aye humphie an wabbit
But sometimes he can be gey crabbit! 
 
By Amy Scott, P.5/4 Comely Park Primary School, Falkirk
 

Ma Dug 
 

Ah hae a wee dug
The kind ye ca pug
He’s dour an bee-heidit an aw
An aye in the nicht
When the moonlicht is bricht
He likes tae bite aw o the craws! 
 
By Kirsty Coleman, P.5/4 Comely Park Primary School, Falkirk

Wan Tottie Dug 
 
Wan tottie dug chasin its tail
Wan tottie dug getting the mail
Wan tottie dug following me tae schuil
Wan tottie dug actin the fool
Wan tottie dug barkin aw nicht
Wan tottie dug gied me an awfie fricht! 
 
By Jake Miller, P.5/4 Comely Park Primary School, Falkirk 

Dug Sang 
 
See that
That’s ma dug
He’s sittin on ma rug
An disnae he look luvesome an leal
But see that
See ma dug
That’s jist sittin on ma rug
He’s sae humphie it jist isnae real! 
 
By Jane Dunn, P.5/4 Comely Park Primary School, Falkirk

Jack Froast is …. 
 
a muckle icy man
wi spikey hair
lang shanks
an a wee neb.
His boadys tall
an his skins blue.
He wears a blue and grey suit
Wi a siller tie.
I ken when Jack Froasts been oot
thru the nicht
when awbodys sleepin.
Fur in the mornin
Ma windae’s covered wi whicht
The roads are aw slidey
Wi ice and snaw
If ye dinnae watch oot
Ye’re shair tae faw 
 
By Matthew Ferrie P6M
St Andrew's Primary School, Falkirk 

Jack Froast  
 
Jack Froast is tall,
He’s no very auld.
He’s licht blue an he’s made o ice.
He wears a suit o snaw
Wi ice shin
An a necklace o icicles.
Ridin aroon in his wee caur,
Leavin a trail o froast,
Sniggerin tae hisel.
A ken when Jack Froast’s been oot
Fur in the morning,
It’s bitter cauld!

By Stuart Fairley P6M
St Andrew's Primary School, Falkirk

Jack Froast 
 
Jack Froast,wi icicles fir a beard,
Icy blue een,an ang sherp fingers.
At the stroke o’ midnicht oot he comes,
Oot on his Froast 5000.
Jack Froast lowps oan roof taps, waws an trees
His favrite hing is sittin oan a windae sill.
He puts oot his lang sherp fingers an maks awhing froasty.
He’s awfi sleekit.
He can mak ye freeze the meenit ye see him
If he hears a fitstep he rins awa hame. 
 
By Sophie Dick P6M
St Andrew's Primary School, Falkirk

Jack Froast 
 
A wee blue man
Wha freezes hings.
He looks like a frozen ice cube.
His heid is shaped like a diamond.
He has reid glowin een,
And a muckle pointy neb.
Hes awfu wee
An has spiky hair.
He wairs baggy troosers
An a dark blue tap that says
“JACK FROAST IS COOL “
He pits blue an white trainers oan his feet
Fur rinnin awa.
His siller cap says
HARDCORE ICE.
He shoots ice fi his 14 fingirs
Ye can aeways tell when Jack Froast’s been
It’s aw slidy in the morning! 
 
By Ryan O’Connor P6M
St Andrew's Primary School, Falkirk

Jack Froast 
 
Jack Froast is a wee, wee lad.
He has a blue heid and white shanks.
His een are ice blue,
An his beards an icicle.
His richt lug is pierced,
Wi a snowflake through it.
He bides in the Netherlinds,
That’s why he can flee.
He wears a big jaiket tae,
An some baggy troosers,
An a muckle bleck belt.
He taks a haundfu o frost
An throws it ower a big hoose.
When ye open up yer windae,
An it’s aw white,
Ye’ll ken that Jack Froast,
Wis oot last nicht. 
 
By Rachel Senogles P6M
St Andrew's Primary School, Falkirk

Jack Froast 
 
In the winter,
A wee blue man comes oot at nicht
An freezes the groond.
He seems tae dae it in a flash,
He wiggles his wee fingers
An froast appears
Hills, trees, gress and hooses
Aw turn white.
In the mornin,
He sneaks awa intae the mirk,
Ready tae start again! 
 
By Niamh Robertson P6M
St Andrew's Primary School, Falkirk

Jack Froast 
 
Jack Froast is white.
He is made o ice.
A tiny craiter.
Icicles fur fingers.
He’s hunners o years auld.
He wears a suit
Ripped fae the cauld air.
He’s frae the North Pole.
He’ll lowp fi wa tae wa
Hidin fi ye.
He comes oot throu` the nicht
When awbodys asleep.
Ye ken when he’s been oot,
Keeking oot yer windae,
Ye`ll see a white wunnerland. 
 
By Lucy Paterson P6M
St Andrew's Primary School, Falkirk

Jack Froast 
 
A cauld herted divil.
He’s five fit tall.
His hairs made o ice.
He has muckle blue een,
An five fingirs on each haun.
He wears a strippit suit.
He has pinted lugs,
An a wee white pug.
He zaps ice oot his mooth.
He flees through the sky,
Leavin a grey cloud ahint him
An mist in the air 
 
By Katelyn Syme P6M
St Andrew's Primary School, Falkirk

Jack Froast 
 
Jack Froast is……..
An ancient wee crony.
He has a muckle neb
An tottie wee een.
He has a sleekit mooth
An wee lugs.
His fingers are long and sherp.
He wears a bleck ice suit.
He skites doon fae the clouds
An creeps fae moors tae mountains
Ahint him he trails froast
Ye ken when Jack Froasts been oot
Throu’ the nicht
When awbody’s sleepin.
In the morning
When ye wake up.
Ye keek oot yer windae
An everythin looks magic. 
 
By Jennifer Anderson P6M
St Andrew's Primary School, Falkirk

Ma Hoose 
 
It's got a bonnie lum that's blue.
Ma Hoose.
It's got twa doors.
Ma hoose.
It's got three chaumers.
Ma hoose.
It's got a bonnie gairden.
Ma Hoose. 
 
Euan MacKinnon P2J
Sunnyside, Alloa

The Hoose 
 
It's got three bonnie windaes.
The Hoose.
It's got a bonnie gairden.
The Hoose.
It's got yin door.
The hoose.
On the ruif there is a bonnie lum.
The Hoose. 
 
Viktor Csullog P2J
Sunnyside, Alloa 

Ma Hame 
 
Ah hae bonnie windaes.
Ma Hame.
Ah hiv lots o' posters.
Ma Hame.
Ah hae three settees.
Ma Hame.
Ah hae nae gress.
Ma Hame.
Ah hae a trampoline.
Ma Hame. 
 
Tyler Fullerton P2J
Sunnyside, Alloa.


Ma Hame 
 
Ah hae a bonnir windae
Ma hame.
Sh hae a bonnie room
Ma hame. 
 
Dion Innes P2J
Sunnyside, Alloa
 
The Hoose 
 

It's got twa doors.
The Hoose.
It's got three bonnie windaes.
The Hoose.
The rooms are bonnie tae.
The Hoose.
It's got a lum on the ruif.
Ma bonnie hoose. 
 
Lois Johnman, P2J
Sunnyside, Alloa. 

The Hoose 
 
It hiz a braw cludgie
An it hiz nine windaes tae.
It hiz a bonnie gairden
An that is whar ah play. 
 
Rhys Moffat, P2J
Sunnyside, Alloa.

Ma Ain Hoose 
 
It has a bonnie cludgie
Ma ain hoose.
It has a bonnie door
Ma ain hoose.
It has a bonnie door
Ma ain hoose.
It has a bonnie gairden
Ma ain bonnie hoose. 
 
Rhys Preston
Sunnyside, Alloa

Ma Ain Wee Hoose
 
Ma ain wee hoose
his monie windaes.
Ma ain wee hoose
It his twa doors.
Ma ain wee hoose
It disnae hiv a lum.
ma ain bonnie wee hoose
His a bonnie gairden tae
 
Alexandra Douglas, P2J
Sunnyside, Alloa

Ma Hoose 
 
Ah hae a flat
It hiz twa chaumers.
Ma hoose hiz a muckle livin-room.
Ah live there wae ma mither. 
 
Mirron Reynolds, P2J
Sunnyside, Alloa

The Hoose 
 
It's got sax windaes.
The Hoose.
It's got a bonnie ruif.
The Hoose.
It's got a bonnie chaumer.
The Hoose. 
 
Katie Cunningham, P2J
Sunnyside, Alloa

Ma Ain Wee Hoose
 
It's got twa doors.
Ma ain wee hoose.
It's got a bonnie ruif.
Ma ain wee hoose.
I have bonnie windaes.
Ma ain wee hoose.
I have a bonnie room.
Ma ain wee hoose. 
 
Taylor McMahon, P2J
Sunnyside, Alloa